Tríptico de presentación da Plataforma
Publicado en 04:41 | Por Simbirsk | En presentación
A nosa plataforma acaba de editar un tríptico de presentación para dar a coñecer as nosas preocupacións e propostas. A seguir colocamos o texto íntegro. Tamén podes descargar o tríptico en formato PDF clicando aqui.
Organizacións do Condado preocupadas pola persistente e crecente degradación medio ambiental do río Tea únense na creación da plataforma
DEFENDENDO O TEA
Na plataforma participan dende asociacións ecoloxistas e formacións políticas a asociacións de veciñais, e aberta a participación de calquera asociación, agrupación política, cultural ou social, e tamén persoas físicas preocupadas polo deterioro do Río Tea e o seu entorno e que desexen participar na súa defensa a través da plataforma.
Os problemas que padece o río Tea son moi preocupantes, primeiro por vellos e segundo porque, a pesar das denuncias realizadas durante anos por diferentes organizacións, estes persisten sen ningún tipo de resposta. O caso dos vertidos de augas residuais que ilegalmente verten ao río Tea os concellos de Ponteareas e Mondariz degradan a calidade das augas do río facendo que en algúns tramos bañarse supoña un risco para a saúde.
Moito do deterioro que padece o río Tea, integrado na Rede Natura 2000, é consecuencia directa da falla de sensibilidade e responsabilidade ambiental dos gobernos municipais. Por ese motivo a plataforma demandará das autoridades o cumprimento da lexislación que ten como finalidade e preservación da biodiversidade e a protección dos espacios naturais que na comarca forman parte da Rede Natura 2000.
Outro dos fins que persegue a Plataforma e divulgar a riqueza natural e etnográfica da comarca buscando a participación das veciñas e veciños na súa conservación.
A plataforma está aberta a toda persoa, colectivo, organización, partido... que consideren que e necesaria e urxente a mobilización na defensa do río Tea e do medio ambiente.
Contamos con todas e todos vós.
Comments (0)
Enviar um comentário