Na mañá do 16 de Xaneiro presentábase publicamente no multiusos de Ponteareas con importante asistencia de público a Plataforma Defendendo o Tea.

Queremos destacar como un feito moi positivo o respaldo de todas as organizacións que fan parte da plataforma así como de novas solicitades de alta, e a boa acollida da iniciativa tamén por persoas a título individual. É necesaria a unidade e colaboración de todo o pobo interesado na defensa do río Tea.

No acto distribuíuse un tríptico editado para a ocasión e proxectáronse imaxes da recollida de lixo do día 27 de Setembro e de diversos puntos con verquidos ilegais.

A Luís Pardo foi a quen se recoñeceu como verdadeiro impulsor da plataforma. Ao tempo que loitaba xunto da veciñanza de S.Vicente e Canedo polos accesos aos seu barrios, iniciaba contactos para que este proxecto botara a andar, consciente da necesidade salvagardar os ríos e regatos de cal quer agresión.

Desde a Plataforma queremos animar a todas e todos a vos sumar, participar e apoiar as actividades que se poñan en andamento.

A próxima reunión terá lugar este venres 29 de Xaneiro ás 21h no local de ASPRODICO en Canedo.